The Public Finance Practice (Cambodia) Vol. 2

 

១. តើមួយណាជា ចរិកលក្ខណៈនៃពន្ធនាំចេញ នាំចូល ។ សូម សរសេរអក្សរ ត សម្រាប់ប្រយោគត្រឹមត្រូវ   និង ខ សម្រាប់ប្រយោគមិនត្រឹមត្រូវ   ។  (១សំនួរ = ២ភាគរយ) (សរុប ១០ភាគរយ)

បរិយាយ	ចម្លើយ
១. គ្រប់គ្រងដោយ អគ្គនាយកដ្ឋានពន្ធដារ នៃក្រសួងសេដ្ឋកិច្ចនិង ហិរញ្ញវត្ថុ
២. ត្រូវបានចាត់ទុកជាពន្ធផ្ទាល់
៣. ត្រូវបានចាត់ទុកជាពន្ធថ្នាក់ជាតិផង និងពន្ធថ្នាក់ក្រោមជាតិផង
៤. ប្រែប្រួលអត្រាជាញឹកញាប់ទៅតាមការប្រែប្រួលបរិបទសង្គម ឬការលើកទឹកចិត្តផ្សេងៗ ពីសំណាក់រដ្ឋាភិបាល។
៥. មានអត្រាពន្ធទាបបំផុត ០ភាគរយ និងខ្ពស់បំផុត ៥០ភាគរយ

 

២. ភោជនីយដ្ឋាន១ លក់បារីឱ្យអតិថិជន ១ ០០០ ០០០ រៀល ស្រា ២០ ០០០ ០០០ រៀល លក់ភេសជ្ជៈ មិនមានជាតិស្រវឹង ៣ ០០០ ០០០ រៀល និង លក់ម្ហូប ៨០ ០០០ ០០០រៀល ក្នុង ១ខែ រួមទាំងអាករ។ តើភោជនីយដ្ឋាននោះត្រូវបង់អាករបំភ្លឺសាធារណៈចំនួន ប៉ុន្មាន? (៦ភាគរយ)

៣. ចូរបំពេញចន្លោះ ដោយប្រើពាក្យក្នុងប្រអប់៖ (១សំនួរ = ២ភាគរយ) (សរុប ១០ភាគរយ)

ផលហិរញ្ញវត្ថុ     គោលការណ៏សមាគតភាព  ហិរញ្ញវត្ថុសាធារណៈ គោលការណ៏តម្លាភាព ថវិកាជាតិ   វិបាកភាព             គោលការណ៏សកលភាព គោលការណ៏គណនេយ្យភាព  ផលផ្សេងៗ និង ផលពិសេស     អង្គភាពសាធារណៈ         ចំណូលពីទ្រព្យនិទាយាទភាព ចំណូលពីសហគ្រាសសាធារណៈ និងអង្គភាពស្វ័យហិរញ្ញវត្ថុដទៃ     ប្រទានកម្ម និងអច្ច័យទាន

ក._________________៖ ចំណូល ដែលទទួលបានពីទ្រព្យ ដែលពុំមែនជាសន្តតិជន(បុគ្គលដែលនឹងទទួលបន្តនូវ សិទ្ធិ និងករណីយកិច្ច ពីមនុស្សដែលស្លាប់) ហើយត្រូវធ្លាក់ជាទ្រព្យសម្បត្តិរដ្ឋ។

ខ._________________៖ ចំណូល ដែលទទួលបាន ក្រោមទម្រង់ជាអំណោយគ្រប់រូបភាព។

គ._________________៖ ចំណូល ដែលទទួលបានពីអតិរេកសាច់ប្រាក់ (ការប្រាក់, ដូរប្រាក់, និង ប្រាក់ចំណេញ) ឬផលចំណូលទទួលបានពីការវិនិយោគគ្រប់រូបភាព ដែលទាក់ទងនឹង មូលបត្រ(ភាគហ៊ុន សញ្ញាបណ្ណ បណ្ណរតនាគារ )។

ឃ._________________៖ ផល ក្រៅពីផលហិរញ្ញវត្ថុ រួមមានចំណូល ដែលទទួលបានពីអតិរេកសាច់ប្រាក់ថ្នាក់ក្រោមជាតិ, ចំណូល ដែលទទួលបានពីអតិរេកថវិការដ្ឋ, ចំណូលពីសមតុល្យចុងឆ្នាំ នៃមូលនិធិក្រុង ស្រុក, កម្រៃរតនាគារជាតិ , ចំណូលនៃការលក់ផ្តាច់ ឬប្រាក់លម្អៀងពីការដោះដូរទ្រព្យសម្បត្តិអចលកម្មរបស់រដ្ឋ,ទឹកប្រាក់បង្វិលចូលថវិការដ្ឋ សម្រាប់ការអនុវត្តគម្រោងផ្សេងៗ។

ង.__________________៖ចំណូលដែលទទួលបានពីការបង់ភាគលាភ និង អតិរេកថវិកា។

៤. សូមស្វែងរកកំហុស និង កែសម្រួលកំហុសនោះ។ (១សំនួរ = ៣ភាគរយ) (សរុប ០៩ភាគរយ)

ក. ចំណូលមិនមែនសារពើពន្ធ ជាចំណូលរដ្ឋាភិបាលដែលវៀរលែង ចំណូលផាកពិន័យ ចំណូលពន្ធដារ និងចំណូលពន្ធគយ។

ខ. ចំណាយតាមស្ថាប័ន ជា ម៉ូដែលសិក្សាដោយទីស្តីការក្រសួង ក្នុងគោលបំណងគ្រប់គ្រងការចំណាយដែលមានប្រសិទ្ធភាព ក្នុងថវិកាជាតិក្នុងឆ្នាំ និង ផែនការថវិកាជាតិនៅពេលអនាគត។

គ. ច្បាប់ ស្តីពីថវិកាជាតិ បានអនុម័តកាលពីថ្ងៃទី ០៤ ខែ មេសា ឆ្នាំ ២០០៨ នាសម័យប្រជុំរដ្ឋសភា លើកទី ៧ នីតិកាលទី ៣ និងដែលព្រឹទ្ធសភា បានយល់ស្របតាមទម្រង់ និងគតិនៃច្បាប់នេះទាំងស្រុង ដោយគ្មានការកែប្រែអ្វីឡើយ កាលពីថ្ងៃទី ២៩ ខែ មេសា ឆ្នាំ ២០០៨ នាសម័យប្រជុំពេញអង្គព្រឹទ្ធសភា លើកទី ៤ និតិកាលទី២ ដែលមាន ៨ជំពូក និង ៩១មាត្រា។

៥.រដ្ឋាភិបាលប្រទេស ក បានប្រមូលចំណូលដូចខាងក្រោម៖

ចំណូលពន្ធដារ ២ពាន់លានដុល្លា ចំណូលពន្ធគយ ១.៣ពាន់លានដុល្លា  ចំណូល ការប្រាក់ពីហិរញ្ញប្បទាន ២៤ លានដុល្លា (សម្រាប់រយៈពេល ១ឆ្នាំ)   ចំណូល ប្រាក់ដើមពីហិរញ្ញប្បទាន ៤១០ លានដុល្លា (សម្រាប់រយៈពេល ១ឆ្នាំ)

ចំណូលពីការផាកពិន័យ ១០លានដុល្លា ចំណូលពីការរឹបអូសទ្រព្យសម្បត្តិ ២៣០ លានដុល្លា

ចំណូល ដីកា I   ៨២ លានដុល្លា ចំណូល ដីកា II   ៤១០ លានដុល្លា ចំណូលពីផលសម្បទាន ២៧០លានដុល្លា

ចំណូលពីប្រទានកម្ម ២៥០លានដុល្លា ចំណូលពីការផ្តល់វ៉ាក់សាំង ១២លានដុល្លា ពីអង្គការ WHO (សម្រាប់រយៈពេល ២ឆ្នាំ)

ចំណូលពីជំនួយ សាងសង់ស្ពាន ១៥០លានដុល្លា (សាងសង់បាន ៣០ភាគរយក្នុងឆ្នាំ)

ក. គណនាចំណូលសារពើពន្ធ ខ. គណនាចំណូល មិនមែនសារពើពន្ធ គ. គណនាចំណូលចរន្ត ឃ. គណនាចំណូលមូលធន